嵐のワクワク学校2015 ～日本がもっと楽しくなる四季の授業～ @ 東京ドーム

尋晚3點先訓 ... 不過今朝9點幾就醒左 ~
本身同左旅館主人講 今日1點先會離開 ~
不過見早左起身就梳洗出發啦 ~
因為始終又要搵locker 放個喼 ...

沖完涼 ~ 一早流流就食尋日係西式買o既甜品 ~ 好好味 ~~~~

食完之後執晒所有野 ~ 大約1130 就離開了 ~
個喼真係好重 ... 點解我要買咁多野 !!! =.=

好啦 ~ 先拖出池袋搵locker ... 係無的 ~
之後再去品川 ~ 都係無的 ...
既然係咁 ... 我直接去羽田博一博吧 ~ 反正今晚都要係羽田訓 ...

大山 >(東武東上線 ￥144)> 池袋 > (山手線 ￥259) > 品川 

品川 > (京急本線 ￥407) > 羽田空港国際線ターミナル

人生係有希望 ... 羽田有位 ~ 好感動 ~
不過車錢有d貴呢 ~ 但好過拎住個喼周圍走 ~ 但我咁樣玩一玩 ~ 都無左2個鐘lu ~
放低左個喼 ... 我就可以輕輕鬆鬆 鄧梓fung 啦 ~

羽田空港国際線ターミナル > (京急本線 ￥407) > 品川 > (山手線 ￥194) > 高田馬場 

好啦 ... 因為想回味一下以前返學成日食o既 つけ麺 ~ 所以黎左高田馬場 ...



叫左特製仲要係大盛り ...
由於搬完個喼用晒d 力 ~ 當時又已經2點幾 ~ 所以我係可以食晒全部架 !!



食飽飽 ... 兜左去學校果邊望下 ~ 之後就去ドーム 了 ~
迎接我今天最重要的行程 !!!

高田馬場 > (山手線 ￥133) > 池袋 > (東京メトロ丸ノ内線  ￥165) > 後楽園

*** 最後發現原來搭貴左車 ~ 其實可以全程都搭メトロ

到左後樂園 ... 其實好順利 ~ 無咩人 ... 可能仲早 ~
不過ドーム 隔離個商場就勁多人 ~ 因為間間鋪頭都做緊sales ...
我尋日黎都未做的 ~ hahaha ... 真係識做生意啦 ~

本身我想行陣先 ... 但實在太多人 ~ 同埋好心急知道個位係邊 ~ 於是我就入場 ~
點知原來25 gate就係隔離 .. 勁近 ~ 仲要無咩人 ...
入到去見到個位 ... 我想喊 ~ 好前 ... 真係好前 ~ 真正的第12 行 ~ 不是假的 ~~
好開心 ... 不過其實佢地個台好遠 ~ 第12行都係=香港紅館山頂o既位置 ~

我早左1.5小時入場 ~ 我除左玩電話 .. 都無咩好做 ~
呢度可能因為係外野席 ~ 所以人唔多 ~ 無上面果d 咁多人 ...
入面原來有goods 賣 ~ 唔知係呢次先有定平時live都有呢 ~
周圍都無人 ... 一路等 ~ 人開始多 ~ 就去定屎坑先 ~
我希望用我有限o既日文 同埋 記憶黎記低今次呢個嵐學 ~~ (有錯請見諒) ~

準時1700 開場 ~~~~~

一開始播出vtr ... fans 們都已經在大叫了 ~
其中一個nino 的fans ...( 因為佢全身黃色 ~ 很容易知道~)
nino 每一個表情佢都"暗"住個口 ~ 之後講一句 ...　かわいい・かっこいい ~
其實睇到呢d fans 都幾好笑 ... hahaha (自己咪又係咁 =.=)

vtr 順序無記錯的應該係
大野 : 拉住人力車 ~ 然後見到有個藝妓開遮寫住嵐學 ~ 

櫻井 : 花藝 ~ sho 在修花 ~ 然後剪下剪下 ~ 拼左一個嵐學字 o既花樣出黎 ~
松本 : 鷹匠 ~ 有隻鷹飛到jun 的手上 ~ 然後一路飛走時 拉出寫有 嵐學 的布
二宮 : 將棋 ~ 捉棋時 反轉隻棋子就寫住嵐學 ~
 相葉 : 板前 ~ 係唯一一個係vtr 有講野的人 ~ 叫佢切開勁大舊細卷 ~ 切出來寫住嵐學 ~

5子係發現有嵐學字時 ~ 都表現出驚訝o既表情 ~ 好可愛 ~

然後就搖身一變 ~ 穿上先生服 ... ... 各人都擺出不同的pose ... 好好笑 ~

播完vtr ... 就影佢地係後台做出一個円陣講野 ~行
然後佢地就慢慢行出黎 ~ 大家都開始好興奮地大叫 ~

佢地係其中一度拉門度 行出黎 ~

我眼中只望住 翔 ~ 佢係第一個行上台的 ~
佢地同大家打完招呼 ~ 講左今年係第5年 ... 之後就逐個介紹 HSJ 出黎 ~
係呢隊組合入面 ... 我認識的只有 山田涼介 ~ 知念郁李 同 中島裕翔 ~
其他的人物 係以下我都會以某人作表示 (SORRY ~)

HSJ 逐個逐個跑上台 ~ 然後就講話有得參加好開心之類 ...
跟住佢地就企左係一個寫住 "日々是気付" 下面 ~
然後 好似 係翔叫 大野 準備講開學 ~ 叫大家起立 ~
大野 話 ... 好啦 ~ 大家靜D .. (當時其實一D都唔嘈~)
松本話 ~ 喂喂 ~~ 明明大家都好靜哦 ~
大野繼續話 ... 好啦 ~ 大家靜D ... 然後就話 ~ "2015 嵐のワクワク学校 開学 ...."

****  其實有d資料係上網抄返黎 ~ 因為真的不太記得太多 ~ "重點"全部都係抄的 ~

開學後 ~ 叫大家閉上眼睛 ~ 感受下一開始係季節 ~ 係春天 ...
之後就開始有工作人員將D 台台椅椅搬上台 ~
其實個教室係剛剛被個柱遮住左先生企的位置>.<

介紹講春天o既先生係 二宮 ~
開始播VTR 由米々じぃさん介紹日本種米 ...
要做成俾我地食o既米係要經過88個步驟 ~

講到第3x個o既時候 ~ 就轉返到nino 講野 ... 之後米々じぃさん 出場 ~
nino 就介紹係台側邊有個種植稻米o既地 ~ 叫左aiba 同山田去"奸"田啦 ~
咁係aiba 同山田 換3 o既時候 ~ nino 就同米々じぃさん 講野 ~
Jun 就話 ..喂 ~ 點解米々じぃさん 把聲唔同o既 ~ 之後佢就扮一次 ...
然後nino 死都話無呀 ~ 米々じぃさん 又講多次野 ~
跟住翔就叫nino 企係米々じぃさん 側邊傾計 ...
跟住就發現米々じぃさん把聲根本就係nino 把聲黎 ... hahaha ~ 

然後又去播VTR ... 播到大約70幾個步驟o既時候 ~ 稻米已經可以收割 ..
跟住就到aiba 同山田 嘗試 插秧 ~ 不過佢地兩個都好差 ...  掛住玩 ~ hahaha ..
aiba 突然向山田潑水 ~ 之後山田還擊 .. aiba 就話 ... 喂 ~我係前輩黎架 !!
之後佢地努力插秧 ~ 不過好明顯山田快d ... aiba 就話我老了 ~ 係おじいさん ...
玩完 ... 最後都俾大家話插到"咩"晒 ... hahaahhaha ...
然後到佢地換衫又播vtr 講返收割後o既幾個步驟 ~
完成後 ~ nino 就講出課堂重點 ... "お米は日本の宝もの"

跟住佢又叫大家合埋眼 ~ 然後聽下聲音 ... 之後就介紹另一位先生o既課堂 ~

係JUN o既 夏天 ... 播VTR ~ 大家落後台換浴衣 ~ 之後工作人員就搬走晒D 台台椅椅 ~
做到一個好去似祭咁o既場景 ~
vtr 大約係講 日本o既夏天點解著浴衣 ... (其實呢part 有d悶 ~ 所以我夢遊左 ~ sorry ..)
講一塊布點樣染 ... 好似係咁上下 ~
之後大家就著浴衣登場 ~ 然後就介紹左幾位o既沿衣有咩分別 ...
唔太記得佢介紹左邊個 ... 好似係leader 同 sho ~
跟住介紹某人的時候 ~ 某人就話 之前有去過拜訪做 和式 器具o既 職人 ~
然後拎左 係一開始vtr 有介紹做 左隻嵐學 碟出黎 ~ 好靚 ...

跟住 JUN 就繼續講 話 著住浴衣要 盆踊り ~
佢就話音係happniess ... 之後就叫全場起身一齊跳 ~
嵐 & HSJ 各人就走到不同位置台面 ~ 而翔就正正黎左我呢邊 ... hahahahaha ...
咁jun 就話可以望住前面各人示範 ~
櫻井翔完全係擺出不同可愛到極點o既pose ... 太過份 !!!

教完我地就開始播音樂跳啦 ~
中島負責打鼓 ... 升起左中間個鼓台 ~ 然後大家就開始圍住 跳了 ~
櫻井翔 & 二宮和也 ... 你地兩個都太過份啦 !!! 哼 !! 成日扮可愛 !!!

跳完之後大家 ... jun 就講出重點 ~ 但係呢個時候突然鏡頭係leader 係度掃緊個頭 ~
好多人一齊大叫かわいい ... jun 聽到有小小聲就問咩事 ~ hahahaha ...
佢o既重點係 ... "伝統は世の中を明るくする先祖からの贈り物"

之後JUN 又叫大家合埋眼 ~ 之後幻想下一個季節 ~

因為大家要換返衫 ~ 所以下一個係leader o既秋 ... 茶道 ~
立即就播vtr ... 講leader 去到京都學茶藝 ~
點樣沖涼同俾客人飲 ~ leader 一路望o既時候 ~ 個樣又好似好悶好眼訓咁 ~ 好好笑 ~
之後佢要做返一次 ... 而做o既時候亦都被讚好 ~
呢個時候個先生位置掉轉左 ... 非常好 ~ 我岩岩好可以好清楚咁望到呢 ~
播完vtr 時 ~ leader 正要開始講野時 ~ 翔突然係後台跑上黎 ... 話剛剛好 ~
之後leader就鬧佢 ... 你唔可以因為有vtr 時間而走左去 ~ 你咁樣唔岩 ~
翔話 ... 唔好意思 ~ leader 話 ... 其實無所謂 ~
翔就笑住咁話 ... hahahaha ~ 真係無所謂 ?
跟住leader 就話大家都一齊大茶會 ~ 大家係air 飲茶啦 ... hahaha ~
之後sho 問佢 ... 下 ~ air 呀 ? ... leader 話 ... 係 ~air ... 幻想一下 ...
而leader 就揀左nino 做客人 ~ 有得真係飲leader沖出黎o既茶 ~
而leader 就叫sho 做旁白 ~
nino 因為唔係著白"物" ~ 於是就要換返先上去 ~
但佢著得勁慢 ... jun 忍唔住話 ... 大叔你得未呀 ~
nino 就話 ... 都32歲啦 ~ 大叔係慢d ... hahahahahahaha ...
跟住佢上到たたみ度 ~ 先做一個禮 ... 然後唔知做咩行得勁慢勁攪笑 ~
(事後jun 話佢行到成個呀婆咁 ~ nino 話 ... 老啦麻 ~)

跟住佢同leader 做完禮 ~ leader 就好認真咁沖茶 ... 不過睇到佢都有小小緊張 ~
沖茶前 ... 職人 (教leader 沖果個人) 都有上台 ~
之後佢沖完遞俾nino 飲 ~ 然後nino 先將茶杯轉兩圈 ... 跟住好似飲極都飲唔完 ~
最後果下 "chur" ~ 好細聲 ... hahaha ~

跟住leader 就叫全場一齊air 飲茶 ~ 仲數左1~2~3 ~ 大家要一齊"chur" ~
跟住leader 叫nino 留意前面果句寫住  名利共休 ~ 意思是指 名譽 同金錢都可以唔要 ~
hahaha .. 鏡頭影住nino 一臉無奈o既樣 ~
仲迫nino 跟佢講 "お金だけが全てではありません。すいませんでした。"

nino 被迫講了 ... wakakakakaaka ...之後JUN 問佢呢句野係咪中國黎o既 ?

leader 答唔出 ~ 之後nino 大叫 ... 鬧佢 ~ 喂 ... 你唔知邊度黎 ? 你要道歉呀 ~
leader 就"すいませんでした。" ~ 然後就爆笑了 ...
講完重點"おもてなしは形より心が大事" ~ 又合埋雙眼 ... 

係aiba o既冬天 ...立即係台上有雪落 ~
跟住就播vtr 然後大家又穿上了肥仔褸 (我唔知果件野點稱呼 =.="
嵐 著藍色 ~ HSJ 著紅色 ~ AIBA 話大家一齊打もち ~
之後就播出年末大家通常都會打もち ~
鏡頭影職人打もち可以一秒有5下 ~ 之後就叫HSJ 某人出黎做示範 ~ 睇得出好慢 ...
跟住aiba 話嵐人都要試下哦 ~
跟住見到nino ~ sho 都好雀躍地要試 ... leader 都有舉手 ~
然後jun 見到佢地3個舉 ~ 就很hea 地也舉了 ~ 跟住aiba 就揀左jun ... hahahaha ..
jun 出到黎 ~ 問職人個pose 應該點擺 ~ 翔話 ... 嘩 ~ 好認真呀下 ~

之後jun 先同職人道歉 (應該係驚打親佢 ?)
跟住就開始打 ~ 真的好快 ... 雖然不及職人快 ~ 不過職人話佢一秒都應該有3~4下 ~
跟住職人就表演左一次俾大家睇 ~ 然後就食もち了 ~
翔拎左件もち係鏡頭面前影 ~ 然後我見到佢除返件肥仔褸掟左落個後台窿度 ~
之後影住佢食 ... 又影下其他人咁囉 ~
有某人(坐中間) 拉長左舊もち黎食 ... 明顯要搶鏡 ~ hahahahahaha ...
食完之後aiba 就話年末要寫一d 想忘記o既事 ~ aiba 叫左某人去叩鐘 ~

因為唔知係叩鐘代表可以忘記 ~ 好似要叩108 下 ?

之後aiba 就問HSJ 某人 ~ 問完之後 ... 就話嵐都要講 ~ 
翔好大聲講左幾次 "キドキする" ~ 佢仲要用可愛o既語調黎講 ~ 好好笑 ...

跟住揀左leader ... leader 話有次係屋企附近散步 ~ 一路行都唔知自己行左去邊 ~ 之後迷路 ... 然後搭左的士返屋企 ~ hahahahahaha ... 好可愛 ~

跟住aiba 就讀出fans 係入場前寫o既事 ~ 其實我本身都想寫 .. 不過唔知寫咩好 ~ 讀左幾個之後 ... 就話要燒左d 紙 ~ 然後又叩多幾下鐘 ~ 大家就可以忘記了 ~ 叫leader 負責起火 .... AIBA 重點 "忘れて許して笑顔が生まれる" (中間其實有講過過新年 ~ 話係happy new year ~
但唔記得左係邊度 ~ 好似就係完左呢度 ?)

最後係到我愛的翔 了 ~
翔介紹"冰"庫縣新年會鬥快跑 ~ win 左果個男仔就會係福男 ~
就會令到所有野都有好運發生 ~
而呢個福男亦都有出場 ~
翔就話我地都要揀出我地o既福男 ~ 要大家一齊落去同福男比賽 ~
佢仲話 ... 邊個win左就可以攬住我了 ~ 仲擺出一個好可愛o既表情 ~ 仲要講左幾次 ~
跟住nino 問 ... 咁第2第3 呢 ~
翔話 ... 果邊個兩個不倒翁 (巫男公仔) ~
大家行到去福門準備 ~ 其餘4子一直圍住福男 ~ 唔俾佢跑win HSJ ...
但係門一開 ... 雖然係HSJ 跑得快d ... 但係最後福男都撓過左4子 ~ 好努力咁跑 ...
最後佢 跑緊上樓梯o既時候 ~ 翔已經張開手等緊佢攬了 ~(好羡慕~~)
第2&3是HSJ 某人 ~ 然後其他4子見佢地都跑到終點 ~
於是就hea 住咁行樓梯回台上了 ~
(其實我覺得因為有HSJ ~ 鏡頭影少好多嵐 ~ 同埋佢地講野都唔多~)

跟住sho 就返到先生位置 ~ 問大家新年會有咩願望 ...
之後就播出嵐 2005 年 wish 入面o既シークレットトーク ~

入面其實係無劇本o既對話 ~ 大家都好無聊咁講 ... 只係會有時講到將來o既願望 ~
最記得係leader 話30歲前要考到車牌 ~ 然後車大家係夏威夷旅行 ~
跟住aiba 話 ... 去泰國都唔錯呀 ~
聽完之後 ... sho問jun 有無印象 ~ jun話完全無 ~
跟住問leader 考到車牌未 ~ nino 話 ... 你都快35啦wor ...

sho 話 leader你無車牌 ~ 但有船牌 ...

跟住又問大家o既旅行好似都未去 ...
然後sho就話 ... 去左夏威夷 ~ 係nino + jun + aiba ... 
果時因為leader 同 佢自己都要開solo con ..
跟住 又問AIBA 有無去泰國 ~ 然後就問HSJ o既願望 ~
呢個時間SHO就拎住手提CAM 去拍 ...
某人話希望好似嵐咁 ... 會慢慢紅落去 ~ 努力更多工作 ~
同group 入面o既人關係一路都好 ~ 唔會嗌交 ...
跟住SHO就問某人 ~ 你地真係無嗌過交 ~ 某人話無呀 ...
除左有一次 ... 山田話我著衫肉酸 ~
跟住山田好似話 ... 我地要同嵐一齊工作 ~ 唔可以著成咁樣 ~
山田繼續話 ... 不過我今日黎到見時候見到NINO著得好肉酸 ~
灰色3 ... 下身唔知點同唔知點 (日文太差~)
跟住NINO 不停話自己係前輩 ~ 叫佢尊重 ..
然後仲話大家黃色 都係著衫肉酸呢 ~(HSJ 那人都是黃色~)
跟住差不多尾聲 ~ 翔就講出佢o既重點 ... 比較長 ~"一年の計は元旦にあり、一月の計は朔にあり、一日の計は鶏鳴にあり"
但佢講o既時候全部講錯左一年 ... 之後又扮晒野由頭講過 ~
4子都係度笑 ... 佢自己扮晒野個樣都好可愛呢 ~ 

然後完左之後 ... 佢地就一齊企係度 ~
jun 問大家記唔記得7月20日係咩日子 ~ 係 "友達の日" ~
跟住大野就講大家 "卒業" 了 ~
然後就唱校歌 ... 唱到一半開始落台坐"花車" 圍繞一周 ~
其實有d位會睇唔到 某幾個 ....
因為佢地係中間位置上車 ~ 但架車唔係載住佢地行足全場 ~
leader ~ jun ~ aiba 都各自一架 ... nino 同sho 一齊 ... 好開心 ~
但佢咁岩兜到黎我講邊到佢地發表感想 ~
我完全目視佢地而無留意佢地講過咩 =.=
雖然感覺係有d距離 ~ 但真係好清楚可以見到佢地個樣 ~
這是第一次 ... 好開心 ~
之後佢地請左HSJ返後台先 ~ 再講多少少野就離開了 ...
走了 ~ 走了 ... 真的走了 ~
希望以上我都無記錯呢 ~ 如果有咩打錯唔好見怪 ~

其實我覺得好好睇 ... 可以見到5子不同o既表情 ~
雖然平時睇節目都會見到 ~ 但呢個係生人呀 ..
如果下年無HSJ 就好了 ~ 有他們 ... 鏡頭就會出現更少五子 ~ 唔開心：(

大約193X 完場 ~ 完場後 ... 因為位置真的很好 ~
所以走都走得快過人 ~
立即跑左過隔離商場earth music 買左兩件3 ... hahhaha ~
之後再行多陣就搭車返池袋了 ~
買左呢個飲 ...



後楽園 >(東京メトロ丸ノ内線  ￥165) > 池袋

本身打算食野 ... 但係因為實在太太太飽 ~
晏畫個つけ麺太豐富了 ~ 所以仲好飽 ~
無去食野 ~ 就去左唱多1.5小時k ... 好開心 ...
唱完大約10點半走 ... 趕返羽田 ~

池袋 > (山手線 ￥259) > 品川 > (京急本線 ￥407) > 羽田空港国際線ターミナル

電話已經無電 ... 當時大約23xx ..
諗住去到機場差電 ... 點知差唔到 ~
勁驚要勁悶咁過成晚 ... 但後來玩玩下又得左 ~ 慌左陣 ...
之後去左沖涼 ... 超正囉 ~ 我初先以為唔會太舒適 ~
但比想像中乾淨同埋大 ... 痴線架 !!!

係用shiseido 架 !!!

\




沖完涼 ... 成個人都好乾淨同好爽 ~
就去左lawson 買我o既晚餐 ... 當時已經係凌晨一點了 ~



吃飽飽 ... 就開始整理我本旅行日誌 ~

今次呢個旅程感覺好像都是興嵐同在 ~
因為東京周圍都有佢地o既存存 ~
而且我又不太想索平 ~ 所以食o既去o既都希望係佢地到過o既地方 ~
雖然不算去了很多 ~ 但總算完成了很多心願 ~

    

0620 HND > HK EXPRESS > 0950 HKG 

好痛苦先上到機 ... 仲要滿席 ~ 好彩坐我隔離是鬼妹 ...

呢程機好好訓 ... 非常好 ~

落機後 ... 等行李 30 分鐘是常識吧 ~

這樣又完成我的旅程了 ... 

千葉縣 + 日式按摩

今日約左千葉朋友 ~ 佢願意陪我去aiba 家族鋪頭 ~

佢打過去問 ... 我地只有2個人 ~ 無得BOOK ...

開11點 ~ 如果唔係一開門去 ... 大約要等2個鐘先有得食 ~

當我聽到之後 ... 都幾驚 ~ 唔X係呀 !! 2個鐘 ??

所以我地約左10點半係車站等 ... 鋪頭開11點 ~

好啦 ... 我0745 就起左身 ~

然後呢 ... 沖涼室係長期都有人 !! 

我等左30分鐘 !! 係30分鐘 ... 好啦 !!! 勁快咁就出門口 ~

完全無執過個樣 ... 好差 !!

然後一直搭車 ~ 轉車 ... 就黎到幕張本鄉了 ~

我完全無查過點行去 ... 旨意晒朋友 ~

話晒佢都係日本人呀麻 ... 哈哈哈 !!

終於黎到呢到 ...

住宅區有一間明星屋企人開o既鋪頭 ... 其實真係幾滋擾 ~

然後黎到 ... 只係103x 左右 ~ 已經有人排緊隊 ... 好可怕 !!

我信 ... 真係要等2個鐘了 ~

 職員好快就出黎俾定個餐牌我地睇 ... 

佢簡單咁講左本日lunch 有咩食 ... 然後就入返去 ~

我地都係揀左lunch set ... 其實前後都唔係日本人呢 ~

香港 . 台灣定中國 ?

餐廳好似有8張台 ... (已忘了~)

然後有d 如果多人o既可以book房 ~

我覺得基本上大部份都係為左aiba/嵐而黎的 ~

11點準時地侍應出黎講 ... 

周圍都可以影相 ~ 只要唔做成其他人不便/麻煩 ...

但係就唔可以影到任何食客 又或者店員o既樣 ...

好嚴格呢 ~~~ hahaha ~~ 連呢d都要講定 ...

店入面有aiba 爸爸o既獎狀 ~~ 好勁呢 ~~~

沙律 ... 

八寶菜 ... 朋友問我香港有無呢D ...

well ... 是沒有的 ~

蛋花湯 ~ 白飯 ... 完全地中華料理 ~~

呢個係是日點心 ~

聽侍應講果時我聽到係燒賣 ... 我問朋友係咪 ... 佢話聽唔到 ~ hahaha ...

之後到食 ... 完全唔覺得佢係燒賣 ~ 亦都唔知係咩黎 ~

只係賣相不錯哦 ~~

甜品係好似布丁o既朋友 ~? 又忘了 ... 有老人痴呆麻 ?

食飽飽 ... 多謝朋友o既呢一餐 ~ 

有紀念品 ~ 但沒有買 ... 好貴囉 !!!

周圍都有嵐海報 ...

食完之後 ... 朋友問我覺得好唔好食 ~

其實真心覺得好普通 ... 可能自己食慣 中華料理  ~

或者呢d係岩日本人o既口味 ?

不過朋友都話覺得好普通 ~

大家都認為如果唔係 aiba masaki 這個名字 ~ 其實應該不至於會咁多人幫襯 ~

食飽飽就去行街了 ...

搭車去左 船橋競馬場 ... 再轉shuttle bus ... 黎到lalaport ...

有人帶路真係唔同d ... 佢知我想去funassyi land ...

一入 ... 就是了 ~ (其實shuttle bus 一落車入去就係了) 

 當時應該係12點幾 ... well ~

呢度好大好大好大 ...

加上當日係第一日做緊discount ....

人生 ... 就是這樣很容易把錢花掉的 ~~

其實我已經唔算買得多野了 ~

因為唔太好意思 ...

朋友一直陪住我買呀買 ...

呢度最好就係有一個超級超級超級大o既超級市場 ~

入面d零食平到喊囉 !!!!!!!! 買左好多 ...

行完都差唔多3點了 ~ 係時候講再見啦 ...

 而且我又要去dome 買goods ~ 所以 ... 出得去都差不多了 ~

多謝朋友陪左我大半日哦 ~~~

由千葉搭出去東京 ... 好好訓 ~ 攰到媽媽都認不得了 ~

但出到東京 ~ 再要行好遠好遠先到另一條線 ~ 搭去水道橋 ...

然後又行好遠好遠先可以行到去dome ...

我仲要拎住好多好多好多野呢 ~~

排隊的人看似好多 ... 不過原來因為後樂園站果邊都有得賣 ~

分散咁d人 ~ 而且又有好多個counter ...

所以基本上都只係5分鐘就可以買野了 ~

買完野 ... 我過左隔離個toyko dome city享受人生 ~

佢上面有個叫LaQua Spa ~ 話係真溫泉 ... 入場料 JPY 2,634 ~

然後其實我黎呢度目的係按摩 ~~ 行完咁多日真係好攰 ...

好啦 ... 不過按之前都會浸一浸o既 ~

呢度好大好大 .... 放晒d野入locker 之後就沖涼身 ~

露天溫泉只有一個位 ... 不過都分開左兩個 浸 

一個係好熱的 ... 大約有40度以上呀 ~ !!

不過因為果日落緊雨 ... 其實都凍凍地 ~ 所以浸住都幾舒服 ~

然後佢室內就有一個凍水池 ~ 一個浸腳池 ~ 一個按摩池 ~ 一個普通的 ~

另外仲有兩個唔同o既桑拿室 ~

仲埋有一個位係俾人擦老泥的 ~

我浸晒d 池之後 ~ 著返3就去到一個好靜o既area ... 

就好似返大陸咁 ... 每個位都有電視機係前面 ~ 但呢度光過大陸果d好多 ~

出返去就係男女室 ~

之後再行就會見到好多唔同o既按摩美容鋪頭了 ~

而我求其揀左一間 ... 

我揀左用夏威夷石頭+油按摩 ...

一直按果時我覺得好細力 ... 叫佢大叫d ...

但佢話因為石頭熱 ... 咁樣會熱親 ... 所以都無咩大力到 ~

當我差唔多訓著o既時候 .... 佢就話夠鐘了 ~

快樂不知時日過 ...

可能平時企得太多 ... 腳果d位真係好想佢再幫我勁按呢 ~

佢話 ... 其實如果想大力 ~ 下次應該按返就咁推油 ~ 先會實際感受到果個力度 ~

好啦 ... 玩完 ~ 又浸多陣溫泉 ... 就走了 ~~

出左池袋藥房買野 ... 

仲自己一個去左食烚下烚下 ... 

其實我覺得呢個係我全個行程最毒o既一個環節 ~

吃飽飽後 ... 就回旅館努力執行李了 ~

呢個係我今日買o既野 ~

呢度係我夾埋買o既野 ~ 都唔係好多姐 ... hahahaha ~~

最後3點先訓呢 ~~

期待明天重點行程 ~~~~

為了嵐而去的地方 ：D

今天行程都是吃的 ~ 將會很飽 ...

其實本身諗住 0900 去到人形町 ~ 我要去尋找櫻井翔到過o既鋪頭 ~

但實在太眼訓 ... 0900 先起身 ~

最後 只好跳過一站 ~ 直接去食飽飽好了 ~

首先 .... 去到新宿 ~ 轉車去高円寺 ~

我將總武線 同中央線掉轉左 ... 我都唔記得我上錯咩車啦 ~

淨係知道自己去左中野 ...

然後又再搭返出新宿 ... 跟住先黎到高円寺 ~

大約都玩多30分鐘車程啦 =.=

今日要黎到o既係 2015年1月10日 放送o既  嵐にしやがれ東京 いい店 くどい店 ~

由aiba 同nino 出席o既鋪頭 ~ 天すけ !

因為佢個炸蛋實在太吸引啦 !!!

首先我不停係商店街度兜圈兜圈再兜圈 ... 終於俾我搵到啦 !!!

原來由車站行過黎係勁近囉 =.=

好啦 ... 已經有一堆人係度排隊中 ~

可以裝到店主係度表演緊炸蛋 ...

 

大約等左半個鐘左右就入得啦 !!

入到去其實都幾細 ... 剛剛好坐底 ~ 後面亦剛剛好夠位俾人行 ~

全部都係counter 位置 ~ 個個都可以見到店主表演炸蛋 ~ 

叫左玉子lunch ... (JPY1,300) 係必叫的 ~

前菜有 ... 好基本的新香 ~ 麵豉湯 ... (已經見到有隻炸蝦係度~)

咁佢就有好多款唔同o既炸物 ~

不過重點係有個炸蛋的 ..

呢個就係炸蛋啦 ~ 佢會問你要特製汁定係豉油 ...

然後其實我聽唔得好明 ~ hahaha ... 不過好彩佢問左隔離個人先 ~

不過我覺得因為佢知我唔係日本人 ~

所以炸蛋o既時候無講咁多野 ~

因為我見到其他日本人o既話 ... 佢講多好多野 >.<

佢真係可以流心架 ~~~ 

呢度係大部份炸物 ~ 

西蘭花 ... 魚 ~ 蝦 ~ 魷魚 ~ 仲有個小蝦餅咁 ~

好豐富 ... 所以食完都飽飽了 ~

係車站買左個甜品 ~ 我整的比較好吃：)

吃飯後 ~ 還未夠2點 ... 又唔想去行街 ~ 於是去了人形町 ~

其實我係漫無目的咁黎到 ...
只係因為上年聖誕版 shiyagare~ NINO + leader + sho 黎過呢到 ...
起初真係求其行 ... 行行下發覺 ~ 都唔知行邊好 ~
於是上網睇下到底佢地去過邊d鋪頭 ...

原來一出地面就係架啦 !! 但我唔記得咩出口 =.=
第一間鋪係呢間 ...
其實佢係沿住同一條街就係 ... 隔幾個鋪位又或者轉個彎就到 ~

呢間係壽司的 ... 但佢地好似咩都都無買到 ?
忘了 ~

行過小小就係呢間 ... 賣親子燒 !

其實我好想好想好想買一舊返去試架 !!

但係太大舊 ! 食完應該會膽固醇超標 ~

轉去隔離街 ... 呢間係佢地買漬物o既 ...

其實見到呢3間 ... 我就搵唔到其他了~因為網上無寫 ...
我記得佢地去左一間食串燒 ~ 我想搵果間 ...
但係自己又眼花 ~ 以為網上有講 ... 點知一直都係睇錯 ~
最後兜左一大個圈又去返賣親子燒果間 =.=

好啦 ... 咁之後就去水天宮啦 ~
我記得我旅行前CHECK 過明明同人形町好近 ...
但係一路行 ... 好攰 ... 好攰 ~ 原來隔成2個地鐡站 =.=

呢度係之前 家族遊戲 水10 播映前 ~

櫻井翔黎參拜祈求 有好收視的 ~

其實呢度係俾人祈求出產順利 ... 母子平安果D的 ...

當日我黎到o既時候見到有d初生bb ... 應該係黎還神 ?

之後我落左原宿 ... 

本身我搭呢個副都心線 ... 諗住去到明治神宮落 ~

點知佢果架車係急行 ... 直落涉谷 =.=

好啦 ... 今日不停都係度搭錯車 同行錯路 ...

然後去到原宿 ~ 買完johnnys 相 ... 係竹下通兜左個圈 ... 就去左涉谷 ~

由於一直都無去過johnnys family club ... 所以點都要去兜個圈 ~

但我真的不喜歡涉谷 ... 果條十字路口 ~ 令我有窒息的感覺 ...

好多人 ... 咩國藉o既人都有 ....

然後搵路真係對我黎講好難 ... 好彩有谷歌map ...

family club 係地下 .. 一行落去就見到佢地兩個 ~

 

番組o既信箱 ?

有唔同形式有佢地個樣o既野 ~
有d 係感謝狀 ~ 又有好多佢地寫o既野 ...

 

黎到果時剛剛聽到聽日music station 有sexy zone ... 所以有一堆人就抽中左可以入場 ~

之後有個職員係度講解聽日要注意o既事項 ~

之後我就去食我o既晚餐啦 ... 沿途見到佢 ~~~

嵐にしやがれ 東京いい店 くどい店 第三弾
2013年11月30日放送 ~ matsu jun & leader ~~~

我發覺我影相影得真係唔夠全面 ~
好啦 ... 唯有用文字表達 ~ 又或者大家睇過呢隻都應該知道餐廳格局係點 ~

一拉開度門 ... 就只有見到全部座位都係counter 位置 ~
呢種感覺係完全望到店主炸野 ~ 同埋可以一路飲酒一路傾計 ... 好地道 ~
而係位後面就有一格好似衣櫃咁大o既位置俾客人掛褸同放袋 ~

我一入到去 ... 有個年紀大小小o既女人問我係咪 x 樣(sama) <<< 不是粗口哦  ~
我話係呀 ... 佢就叫我坐係其中一個位度 ~
坐低左之後 ... 店主就問我有無咩唔食 ~ 佢唔會炸果d野俾我 ~
又問我飲d 咩 ~ 我揀左梅酒 ...
之後就俾左呢兜野 ... 生椰菜係就咁食 ~ 當然係新鮮啦 ...
另外中間係自家秘制醬汁 ..
茄汁 ~ 芥辣 ~ 鹽 ~ 檸檬 ~
當你食到某d可以點醬o既食物 ~ 佢會叫你試下點果樣 會好食d ~
不過其實我個人比較鐘意原汁原味多d ...

其實係食之前佢已經講左話 ... 如果你覺得夠就可以stop ...

但係當時唔知點解我都唔係好明白佢意思 ~ 定已經忘記了 ...

咁我book 果個course 係15串的 ... 

以下就係我食o既15串 ... 全部都好好味呢 ~~~

其實我應該咬一淡再影埋入面 ... 就咁望...外面都是一樣的呢 ~

佢其實唔係樣樣都就咁炸 ... 好似露筍咁 .. 其實有煙肉包住的 ~

舊豬肉 佢就會連埋生姜一齊包住炸 ~

每樣野都有3佢唔到o既感覺 ~~ 好正 ...

食食下望到有支酒叫櫻井 ... 當然要試下啦 ...

很容易就被識破點叫o既原因了 ~ 嘩哈哈 !!!

我覺得最驚喜係生果 ... 佢炸左依家當造o既桃俾我 ~

連埋水牛芝士一齊食 ~~非常 哦伊士 呢 ~~~~

食食下佢仲同我講 ... 我坐緊個位係松本潤坐過 ~ 嘩哈哈 !!!

 

就係咁樣 ... 我已經食完我15串 ... 我以為佢會停 ... 點知仲炸 ~

我就問佢 ... 呀 ~!! 我先醒起佢話飽可以停 ...

我呢個唔止飽又為食o既死肥仔 ... 又點會記得佢講過 ~

淨係想不停的吃呀吃 ...

最後 ... 我其實唔係飽 ... 只係覺得再食唔多好意思 ~

於是就叫左佢停啦 ...

最後佢可能見 ... 呢個死肥仔仲未食夠 !! 我炸舊飯俾佢食先 ~ 嘩哈哈 !!!!

但佢舊飯應該唔係普通米黎的 ~~ 食完就真係飽死左lu ~

放吃完串燒的竹燒筒都好特別呢 ~~~

埋單果時 ... 其實價錢都可以接受 ~

19 串 + 梅酒 + 櫻井酒 合共 JPY 6,800 ~

係香港呢個價錢其實可能食唔到呢個水準O既野食 ~

仲要環境咁日本地道 ... ~~

人生 ~~~~ 某D位係要豪的 ~ 

好啦 !! 無人會好似我咁 ... 食完一餐咁飽o既正餐 ...

會繼續去另一個地方覓食的 ~

因為黎到涉谷 ... 唔去就唔知幾時再可以去架啦 !!!

一番搾りガーデン ... 期間限定架 !!

好啦 ... 呢個時候電話開始無電 ~ 唯有 係咁易影下 ~

反晒光果個位係貼左5子海報的 XD

呢度其實係俾一大班朋友黎食野飲酒傾計的 ~
我一個人黎 ... 感覺有點 ........ 嘩哈哈 !!!!

 

入到去 有個位 ... 佢會先介紹 一搾同二搾俾你試下 ~
俾你睇下兩者有咩分別 ~
well ... 真係有 ~ 但我已忘了 .. ：P
個麥味好香 ... 好重 !!



然後就叫啤酒飲同野食 ~
你估我唔到. .. 我係有叫野食架囉 !!!

其實我以為係炸薯條黎架 =.=

其實我真係好浪費 ... 兩樣都飲唔晒同食唔晒 ...

純粹坐下 ....=.=

hea 左陣就走lu ...

回到旅館 ... 攰到媽媽也認不得了 ~~~